Tumpeng
Tumpeng nyaéta kadaharan has masarakat Jawa anu sok kapangguh dina sagala rupa upacara, saperti salametan, muludan, ngaruat, atawa sukuran.[1] Komo ka béh dieukeun mah tumpeng téh teu ngan saukur pikeun upacara kaagamaan anu boga sipat sakral, tapi ogé pikeun perayaan-perayaan anu boga sipat profan, saperti acara tepang taun, sukuran mimiti bubuka film, sukuran bubuka tempat usaha, jsb.[1] Sangu anu dijieun congcot ieu dawam diteundeun dina tampah (nampan tina anyaman awi anu wangunna buleud) kalayan dikurilingan ku lauk jeung kadaharan séjénna.[1]
Cara Nyieun Tumpeng[édit | édit sumber]
Sangu tumpeng ampir sok jadi kadaharan istimiwa anu disajikan dina acara-acara husus. Ieu di handap mangrupa cara pikeun nyieun tumpeng :
- Campur 200 g béas ketan bodas jeung 1 kg béas, sangkan sangu tumpeng jadi pulen sarta gampang dijieun.[2]
- Keueum campuran béas salila 8 -10 jam sangkan gancang asak sarta hasilna alus, tuluy seupan salila 1/2 jam nepi ka satengah asak.[2]
- Asupkeun béas nu geus diseupan kana cai santen anu ngagolak, bareng jeung daun salam/daun pandan sarta uyah, tuluy diasakan nepi ka cai santenna saat/béak.[2]
- Tambahan sasendok cai jeruk nipis dina unggal 1.500 ml santen.[2]
- Sanggeus béas asak, ulah digalok deui, ingkeun dina panci anu nutup salila 15 menit, kakara seupan nepi ka garing sarta asak.[2]
- Sangkan alus, paké hiasan tina wortel, peterseli, bangkoang, cabé beureum, tomat, atawa sayuran séjén.[2]
Rujukan[édit | édit sumber]
- ↑ a b c (id)filosofi tumpeng[tumbu nonaktif] (diaksés tanggal 12 November 2011)
- ↑ a b c d e f (id)membuat tumpeng itu gampang (diaksés tanggal 12 November 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |